棄車保將?

我要點做呢...

不能說的秘密...?


(ps.車, 同你無關架)

兩天

今日....唉
比琴日更差

經過兩晚有如鯉魚上岸般既睡眠...
情況, 好像更差...
頭暈, 頭痛, 反胃, 作嘔, 胃氣脹, 發燒, 食慾不振, 發冷, 出冷汗...
好像一點也沒停過...
走路, 也好想要倒下一樣...

唔通我真係中左"登隔熱"?

回港, 係為左休息, 但唔係留嚮張床到成個假期呢...
保外就醫?
唉...

今日

有好多事發生...

今日係我黎左新加坡之後
第一次發燒...
第一次食panadol...
第一次唔舒服都去食魚生(老細飯...唉, 不過好好食)...
第一次真係嬲...
第一次知咩叫取捨...
第一次頭痛到hang機...
第一次因為頭痛作嘔...

唔知係訓得唔好, 係因為發燒, 等係因為受壓太耐
成個身體都好痛, 個頭好似要爆一樣
還好, 世上有panadol, 少一個%就一個啦
似乎我真係要book MRI check下個腦...
令自己放心都好
令其他人放心都好
唔知幾$$$呢...

lee種感覺, 還好, 是久違了既感覺...
也不常存在...

lo ba 釣怪魚

詳文請見hay blog

http://haywdfblog.blogspot.com/2007/09/blog-post_20.html#links

好耐無講野食

lee個係今日lunch, 黎巴嫩菜!!!


lee個係頭盤, 左係一d好似麵包漿既野, 搽右面既餅, 中間係檸檬雞翼, 好好食!!

main dish係一大碟mix meat, 仲有飯, d肉好多2汁, 好正架!

黎巴嫩style, 佢係加左香草, 聞就好酸, 飲就好香好甜, 好得意

不過佢個杯底好多好多渣...

lee個就係個餅搽左野既樣

傳教短片

無意之中去到朋友既xanga, 發現左一段唔係好長既moive
傳教短片

即使我對基督教毫無興趣, 但我都係唔知點解, click左入去, 睇晒成段...

WOW~~~
People should not compare how much you suffer
I am the miracle.

movie既主角24歲, 係一個天生就無四肢既人,
但佢的確係充滿自信同朝氣
嚮佢既對話裡面唔難搵到動力
24歲, double degree, 同一隻佢稱呼為"little drump stick"既腳一分鐘打42個字...
行得, 游得, 去到12個國家傳教...
比世上絕大部份人都生活得有意義
無錯, 佢比我有意義

連我自己睇完之後都會問, 點解佢可以有咁強大既生命力量
唔單只克服自己既心理同生理困難, 仲要克服其他人對佢既打擊, 更要去影響別人
主角既答案係-"主在我生命裡, 主與我同在, 我確信衪和衪的愛"

的確, 他的的確確是一位傳教士
而我, 也的的確確被也打動幾秒


之後, 我去左沖涼
細膩地想想

如果佢唔係一個咁"特別"既人, 而係一個普通人, 佢係得唔到今日既成就
毫無疑問, 佢成就比好多人多, 主要原因也因為佢唔係普通人
佢唔會去打波, 佢唔會去打機, 唔會學鋼琴, 唔會跑步
得出來既, 係更多時間去對唔同既問題作出思考, 無論係神論, 定係學業

佢出生於一個小康之家
媽媽係護士, 爸爸係牧師, 家教同遺傳都唔會差, 比其他人嚮成長期就有更多既時間, 有更大成就係應該既
我地lee d以普通人自稱既人, 對佢既言行係唔會同其他普通人一樣.
我地會不其然咁倍化佢既辛酸同傷痛

佢係傷痛過, 可能比我地倍化左之後都要多
但正如米奇所講,
人生, 有一d事你係唔可以話走就走, 你要去學識點去接受
LC lee d咁既老細真係唔係係人都頂到, 但你去到咁上下, 個個老細都係咁
你可以點...?

主角一樣, 宜家就係無手無腳架喇, 唔接受可以點?
當佢一走過要接受lee個楷段, 佢就係同之前唔同
因為對佢黎講, 人生最差既都已經克服到

佢, 人本身就唔係差, 有無手腳都會有成就
無左, 佢仲可以利用一般人對傷殘人士既優待佢加強佢對世人既影響力
人又點會唔感動?

lee段movie, 無令我對基督教增加任何興趣
但對我人生觀的確有點影響
點樣張自己既弱點變成優點, lee個就係非常明確既例證
點運用說話, 佢都做得非常出色
傳教士不竟都係一個用口去達到目的既人
他很強!!

前路...

今日herbert sir同我講:
"其實你個case, 你有無考慮留到project完為止呀?"
"之前parcel 1, 你有一大班大佬嚮你樓上. 宜家話晒都叫做design leader丫"
"如果你成個project做晒先番去, 你個replutation會唔同晒, 唔會再係靚"
"如果你宜家返去, 你都係無咩分別"
"佢地唔同, 佢地已經有佢地自己既地位"

其實都唔係無諗過, 都知佢講既意義係d咩
但, 要我最後一個返去, 我就真係一d都唔想
宜家tk woo嚮到, 成班香港人嚮到, 點幫唔到我都可以借佢地既力量去做我要做既事
借力打力, 輕鬆得多
但如果佢地走晒, 無力借, 每次都係自己, 唔撐到幾耐
唔係話無左佢地唔得, 係要用自己, 定留力指揮操控既分別

番到香港, 我未必借到咁多...
點好..., 要多想一點...

都有2-3個月收唔到parcel 1 既email喇

以前咩都知d (知d唔知d), 宜家咩都唔知...

無論係邊個, 佢地都唔會再send任何parcel 1有關design既email俾我...
今日去project drive, 先知原來phase2 casino都開左4個package....

感覺, 就好似被人遺棄一樣...

我係唔係應該返去, 同遺棄我既人一齊合作??

心情不好受...

太過睇重感情嗎...?遺棄我嗎...?
這不是事實嗎....?

地震...?頭暈...?

今日係咁大個仔第一次感受到地震...


本來我扒左嚮張床到寫report,
寫寫下...
頂, 個人好頭暈...但又好似張床搖我...
嘩...好暈好暈...

咁我坐番起身, 頂...都暈既...
於是我開始覺得唔係我好暈

我去左拎個杯, 諗住倒d水去睇下係我自己搖丫, 頂係地下搖...
行既時候, 好似腳步浮浮咁,
望住張枱, 明明我無叫自己搖架啦, 點解我同張枱都搖既...

我倒左d水去個杯到, 定定眼咁睇
我終於睇到喇, 唔係我暈呀...
同時, d櫃門震到嚮, 窗簾都搖到打到窗既玻璃上

死喇, 拿拿淋著番好d衫褲, 拎電話鎖匙走人...

一出門口, 見到個死鬼佬, 我問:"is that the building moving?"
鬼佬:"yes, it is moving!!"

哈哈, 就係咁我就同佢一齊行樓梯落樓
落到去, 原來已經成街都係人
隔離妓院既"靚女"門都無咩點著咁走出黎...(無咩點著鞋only)

過左一陣, 都無咩野咁, 就上番房啦
睇下新聞講咩, 原來jakarta 7.9級地震...

(之後既新聞報導話係有2個, 一個jakarta 7.9級, 後改為8.4級, 一個嚮印尼既令一面bengkulu, 8.0級, 差唔多同時震...今晨, 又多一個7.9級嚮Sumatra)

tsunami, 一次經歷, 學一個新字. 由日文來的, 解 - 地震海嘯

無奈, 無知, 無言

也許, 失去親人的感覺, 就是這麼奇怪
左右不知如何是好
前後沒有進退之路
上下失去支撐承託

但日總是要出, 月總是要下...
路也要繼續走, 你也沒有任何能力去改變事情

回憶, 真是一種奇怪而有趣的東西...

記得一個我連佢個名都唔記得既人同我講過:
"enjoy the moment that we spent together. today we separated. may be our life will meet once again in the other part of the world."
同佢留下既, 係一張照片
希冀是不是唯一?
這又是被動, 或是主動呢...
(恆哥, 佢叫gary定kevin?)

人就是離離合合,
也許, 這幾年生生死死面對得太多,
於我而言, 更想珍惜, 但又看化生死
生有何喜, 死亦何懼...
只可以, 不輕言放棄呢~~
但每次接受的時候, 都要苦苦落淚
而且, 發生過的事, 一件一件旋轉於腦海中
一件一件都不會忘記!!
詹...懷念您...




真係...估唔到upstairs會結業呢~~


車, arm你feel o麻
http://cherry321.blogspot.com/2007/09/last-night-upstairs.html#links

圓滑做人, 狡猾做事

今日買左本書叫做"圓滑做人, 狡猾做事"

嚮飛機到睇左個半cheapter, 好似好arm我睇!!

但點先至係好既主動出擊呢...?

令人深思...

9 月...一半...

唔經唔覺, 就已經9月喇

5月7 日, 到宜家9 月2 日, 都差唔多4個月喇
即係話我過左黎新加坡都差唔多4個月

lee段日子, 有好多事發生左
有開心有唔開心, 有新既朋友, 又有朋友離去
有工作上既困難, 有成長既基石
有悲有喜....

睇番轉頭, 好多事發生但又好似好快過咁...

一半喇~~

廖達文你要加油呀


有好多本來話要做既野, 到宜家都未開始
又話每個地鐵站都起碼出去行下, 到宜家都行唔到3成...

車路士到左, 感覺就好似我剛剛到步既時候一樣
無壓力, 唔緊張...
對住佢都會諗番起我剛到步時既心情, 有哭有笑
點樣第一次見小羊, 點樣俾人讚到上天, 點樣自己一個跑街, 一個人去食海南雞
點樣同mk mickie cf cryil sir等人熟絡...

未黎之前都知難頂架啦
唔緊要!!
我要做得更好
就好似cryil sir咁...

波佬, 我走既時候, 你地會掛住我, 但歡送我!!