第一次升職....

信總算叫做收左
職總算叫做升左
人工總算叫做加左
bonus總算叫做出左

其實...
點解人生第一次升職, 我一d反應都無?

係不滿,
還是因為意料之內?

是自己要求過份還是真的比較無奈?

距離開心還有很遠的距離
但與其他人比較, 的確好得多了...
算吧
不算, 又如何呢...?

我,
不竟也是人球和兩間公司關係既一隻棋子

SNOOKER

唔知係唔係咁串
不過就同左cf, mickie, mk同tammy去左concourse地下打桌球

今次第2次喇
當然有板有眼喇
仲有嬴波添!!

車, 我返黎同你打
叫埋kitson

我掛住屋企張床

香港屋企張床真係好好訓架...
張被又大又溫暖


原來咁小既事, 都會掛住, 都會令人覺得幸福, 令人期待

香港

無錯, 新加坡不是我家

Singapore 小花

傻瓜機影的, 不能有太多要求...

Singapore X'mas @ StarBucks

新加坡好似比香港早去準備聖誕節既來臨
starbucks既杯都已經換左裝lu

p.s.

singapore 既wifi city計劃令我可以享受一邊飲住starbucks, 一邊無限免費512kpbs wlan上網

非常好!!!

cable ski~

講就講左好耐話去cable ski, 今日我地終於都去ski佢一ski喇!!~~

10 nov 2007 8:15am
因為心情緊張, 成晚都訓唔到既我8點都未夠就起左身, 換好衫, pack好晒要用既衫褲毛巾出發

不過, 是日下雨.....

無緊要, 去左先算啦
唔係既咪食左早餐再諗囉
於是我地一行三人, 我, cf, 同小男孩就向bugis既坤記進發, 食生熟蛋多士做早餐!!

從密探口中得知, bugis有巴士直達east coast park, 咁我地當然坐lee架直達既巴士啦
巴士上, 就咁就過左一個鐘
丫, 好似仲未到既...
丫, 好似又唔多似喎...
!?!!?總站??!?!?!
well!~~~原來lee架巴士係去upper east coast park road, 唔係east coast park road!!!
宜家又係用手提電話既gps既時候喇
到底同真正既east coast park road仲有幾遠呢?
...
.......
..............
哦, 好近啫, 地圖見到咁遠lor
即係幾遠呀?
6km左有啦~
吓!?!?!
都係再上車啦
今次叻左, 叫下呀姐先
小男孩:"亞姐亞姐, east coast park點去呀"
亞姐:"你上13號啦, 同司機講你要嚮east coast park落呀, 唔係好易就over左架喇"

就係咁, 我地就上左13號去真正既 east coast park喇...
哦, 原來我地過左龍...

巴士帶我地去到一個好似屋村既組屋地方
司機叫我地穿過組屋區直行再過隧道就到...
咩lee個地方咁難去架咩...?

我地就聽司機講, 穿過組屋再過隧道...
呀!!~~~終於都似d樣喇..
一到左east coast park既範圍, 唔...左定右呢??
我, 小男孩:"右"
cf:"左"
咁就緊係右啦!!

3個熱血青年...在微微細雨之下, 嚮兩旁種滿大樹既公園裡, 昂首闊步向著同一目標前進!!!
(去遊啫...)

熱血既青年們, 靠住佢地無比既鬥志同無堅不催既精神, 走左3公里路, 終於去到east coast park既盡頭!!

..???!!!

.......?!?!?!

咪住! 咩話??我地唔係去盡頭喎, 係去cable ski喎, 有無攪錯左呀!!!
呀....
呀..............呀..............
呀.....有呀, 係攪錯左呀!!
哈哈哈!!!一開始應該係轉左唔係轉右呀...哈哈哈哈!!!~~~

就係咁, 我地就上左的士同的士佬講...:"cable ski果到丫唔該....."

(唉, 一早就要咁啦)

嚮車到, 見到原路既風光...
唔, 好熟, 好似唔係好耐之前見過咁...(死蠢)

終於都到左喇!!~~~

哈哈哈
雨都停左喇!!~~

嘩哈哈哈
熱身都做左喇.

嘩哈哈嘩哈哈哈!!!~~~(行左3公里嘛)

係咁依睇下其他人點玩先..

這一邊
o疑?鬼佬喎....
嘩!!!點解飛到4米既高架???

那一邊
啊!!金髮鬼妹初長成!!!正!!
嘩, 點解唔係嚮水到ready, 係一開波就跳架??

(d人都唔知玩左幾耐架, 咁pro架...)

幾經波折先黎到, 無理由唔玩架!!
cf:"一個鐘定兩個鐘"
(嘩, 你地認真架...?你可知兩個鐘係要搵命博的麼?)
小弟:"一個鐘sg$42, 加鐘sg$22, 兩個鐘sg$64, 都係一樣啫, 一個先啦"
小男孩:"係囉, 一個鐘先啦"

好, 就咁!!

換好衫, 出去, 好, 我行先!!

一拎起個handle, 好似好驚添...
黎喇..............
嘭~~~~
咁難起水既...同快艇一d都唔同
力既transfer好唔同, 個力都比快艇大, 由零去到full speed係一下過, 好難頂...
經過5-6次既失敗...哦, 腰唔夠後...
好, 上水!!

上左水次後, 其實又同快艇差唔多
單手??? 指定動作啦...
轉個靚灣先...!
澎~~~~~
頂, 力既transfer由正前一下只轉左去10點方向, 都唔知點pick up...
好難攪...

就咁就過左一個鐘, 都成功試過跳起咁開始
不過都係滑唔完一個圈...
小男孩同cf??
人地既事, 我唔好意思講既, 你自己問啦

玩過其實都真係好開心, 都想下次再玩過
不過等d肌肉酸痛走左先啦
呀吔吔吔, 舉手都舉唔到呀
今次真係"不舉"喇...
難得令外兩位熱血既同伴都話:"唔上馬拉都要去多次!!"
我又點會唔同你倆並肩到底?

Final Fantasy VII Crisis Core

終於都完了...


一個玩左唔係好耐既game, 大概25小時左右
ff7, 其實對佢既認識唔深, 但佢可能係final fantasy入面故事性最強最好既遊戲
好不幸, 我無玩過佢既main game.

當時, 我未有ps2. 我一買ps2第一隻game就已經係final fantasy8.
王菲主唱遊戲主題曲, 畫面都十分十分好!!!
玩完ff8, 對ff7既畫面不能太接受, 所以無玩...

一年前左右, ff7出左advange children
一段movie. 畫面的確震撼人心
cloud, 一個字"型"!!!

宜家玩ff7cc, 主角換左zack, 為ff7前傳
故事大概明左一半, 對zack都有d感情

當打爆機時, 我親眼睇住陪左我差唔多一個月既主角俾人圍, 俾人殺害
我的確覺得好唔開心...

"你就是我生存過的証明"
"這就是我的驕傲, 我的夢"

FF7CC ending movie
http://www.gametrailers.com/player/usermovies/110533.html

FF7CC offical website
http://www.square-enix.co.jp/ccff7/

FF7AC offical website
http://www.square-enix-usa.com/dvd/ff7ac/