又要做決定

一直都話想返香港
返香港...返香港...返香港...

宜家, 我都叫搵左條路俾自己, 可以真真正正, 實實在在咁返香港
返到我家人同朋友身邊

返香港...
但, 又好似唔係好想返
因為, 地方係沙田?
因為就咁就無左同黃生一齊做野既機會?
因為鍾意左新加坡既生活?
因為唔想6點15分起身?
因為唔可以再打橫行?
因為安於宜家既生活, 唔想改變?
因為害怕改變, 害怕面對唔知唔識唔想見既事?

出出入入, 都叫去過下其他公司做過...
到宜家, 雖然$$$係重要, 唔知點解, pb一d都唔好但我都依然覺得pb係一個好地方
係一個適合我既地方
或者lee到有認同我既人
或者lee到有我既習慣同回憶
或者我可以做到無皇管
或者, 我就係鍾意左lee到
或者我係唔想去試新野...

可能好多人都唔覺我好怕醜, 好怕事
但去到新既地方, 我又的確係船頭驚鬼船尾驚賊
係嗎?
到左新加坡唔係一樣揮灑自如咩?
唔知

如果我10月中去新公司, 10月中其實同12月尾都係差2個半月
咁我係唔係又係嚮到玩d無黎頭既野呢?

我係唔應該為公司諗太多
但我咁玩法, 對其他人既impression又係唔係好呢?
如果, 其實都唔駛如果, pb一定會用唔同既方法留我
咁我又會因為d咩留嚮pb, 留嚮新加坡呢?

(p.s. 個壺仆街到真係一d都無留我, 仲話唔係佢既問題, 係pb既問題, 唔關佢事)

我既缺點, 就係唔夠心狠手辣, 做事唔得乾淨利落
太多顧慮, 太多前後左右上下各方面既"原因"嚮個腦到出現, 令到自己都唔知自己想點
幾時先學識...瀟灑一點....?