我要加油

知喇知喇，唔好同佢發生感情丫嘛
都係玩下啫
人一世，物一世，
有d野唔做過唔會心息
有d野唔錯過唔會後悔
有d野唔試過唔會知衰
有d野唔玩過唔會玩夠
我宜家仲係了無牽掛
唔通七老八十先“試下啦”？
我先唔做果d八十歲先包二奶既傻佬
更唔會帶老花眼鏡揸ben跑！！

三十歲之前，我容許自己講後悔
但三十歲之後，我唔容許自己後悔咩都未做過就已經過晒所有機會！

之後我可以做一個“心息”，“後悔”，“知衰”，同“玩夠“既人
都夠喇…


宜家開始同意輝sir所講…
如果生左子一定要教壞佢，等佢知咩叫壞，唔好lee個世界有d咩都唔知
壞完變好，就唔會大左見到新野唔識收放…
同andrew兄與花小姐既“未開發與已開發論”一致

我曾經因為自己無學壞而自豪
宜家睇番，似乎我既世界都太小，咩都唔知，咩都未試…