45分鐘旅行

45分鐘旅行
今日係新加坡之旅既第二日, 我約左柯sir食飯
佢話我知佢要8點半先走得, 咁我就唯有嚮apartment等佢啦,
鬼叫我黑工無 permit, 無得申請電話卡咩...
但又無咩理由齋等唔出去行下架...
好, 7點15分, 準備出發!!!

一出到去, 其實都唔知去邊好
鬼咩, 咩地方黎架, 廿年前香港...
唔理啦, 有路就行, 有感覺就去!!!
一路行, 一路行, 都係一d帶古典氣息既建築物一d都唔高,
3/4層左右大部份都係食野既地鋪, 其實感覺不太差!!


有一刻我嚮十字路口, 心想去前面走
但右面既交通燈綠左
果一刻我諗,今日係感覺帶我走
我就由我既感覺同交通燈帶我路!!!
我行喇!!!~~~

再走落去唔知係有心定無意, 我既感覺將我帶到一個我無諗過咁快出現既地方

行左2條街, 心情無咩特別, 但....一個熟悉既名字出現我眼前, "香港",
差d又引起我思鄉既情懷, 不過我好快發現"香港"兩個字之後仲有兩個字..."皇宮"...

門口仲有一個身穿長衫既女子~~~

OOOOOOOOoooooooo 香港呀~~~~~~~~~~


我一直都話我愛香港架啦!!!


環顧四周.........原來.........一條夜店街
disco, 舞廳, 酒吧應有盡有!!而當中最重要既, 都係最顯眼既一間.....

嘩!!~~犀利喇!!
我講你知, lee間我嚮香港見到都係常客黎架,
每日唔入佢一下好似唔係好得, 係自己唔係好得咁真係架...


佢...咪係 7-11 囉!!!



夜店群中七十一, 當然要入一入啦!!

佢個門口仲要有懷舊feel, 真係頂佢唔順..
一入, coo!!~~~d膠袋放既位都顯眼d架~~~


入完7仔一野之後繼續向前行
唔知係唔係間7仔call晒我d feel出黎, 成個人開心左好多!!

走過兩條夜店街, 入左酒吧街嚮兩傍既都係唔到類型既酒吧
坐嚮到既有唔到類型, 唔同國籍, 膚色, 性別既人, 好好feel!!
行多一陣, 本能駒使我去多燈光既地方!!!~~~

不過, 交通燈再之同我講我行既路唔通,
一係等,一係就行佢指派既路!!
好, 今日唔知咩事, 我就係信你!!


行左唔夠幾步, 見到DHL既大大熱氣球廣闊既大馬路,
宏偉既建築物, 大大個既草地公園~~~~

原來呀燈哥點左條好路小弟行!!~~

由陳舊走到煙花, 再到酒氣...
宜家眼前既係燦爛耀目~~

咁靚既建, 五光十色, 原來係inter containtal
真係好靚

行左兩步想同佢告別既時候,
佢原來入面有鋪頭
我係被佢既咖啡店叫我入去既..
入到去, 何只coffee shop呢,
有好多熟口熟面既鋪頭, 又有車仔檔
突然間有強烈venus font既感覺!!~~

大部份既鋪頭我都無入, 只係入左sasa睇香水

入之前仲同左自己講一聲, 睇咪睇囉, 驚你呀!!!
(我隻burberry brit要5百幾......點點...)

心情越來越好, 左望右望, 望上天時有d睇唔切,
仲一路行一路轉, 轉左好幾個圈!!

終於明白, 我喜歡既係走馬看花, 感受商店同遊人,
感受新加坡繁盛既氣氛~~

今日, 我越行越快, 唔係....我唔係黎行街, 係黎跑街



好快咁穿過containtal既商場,
今次燈哥俾12秒我過前面既6線馬路

燈哥!!12秒太多喇!!~~


我就咁就跑左過去
戴住既頸鏈仲一下一下咁打落黎...好痛....

跑過左馬路, 只不過係一河之隔,
由比銅鑼灣更繁華既街道, 變成女人街與士林夜市既混合版~~
無所謂, 我今日係黎跑街, 到處感受新加坡既氣息!!

穿過多兩三條街..8點,,,約左柯sir8點半播......好, 回航!!

book guy喇...
lee到邊到黎架...?


好彩, 我嚮仲知自己嚮邊既時候有留意天上最光既星既位置
(無錯,係最光果粒, 因為上有好多好多粒星~~~)

你, 就係你, 我認到你
30分鐘之前嚮我右前方,
宜家我轉你去我左後方, 我向前行就會到我既地方!!!

就係咁, 我就用左比較上原始既方法搵我既方向!!!
意境到, 唔知星星有無點我, 我跑!!~~


恤衫, 尖頭皮鞋, 窄身直腳牛仔褲....唔理啦~~~
全速, 跑~~~~~~~~~好開心呀!!~~~
哎呀, 頸鏈你丫.....跑~~~~~好開心!~~


跑左4-5百米, 哦, 原來lee到就係一個地鐵站以外既....唔記得咩名!!!
地鐵站入口, 拜拜!!~~跑!!~~~


終於都扯蝦喇....停下啦, 都跑左2-3分鐘...
原來, 一個人旅行就係咁
我以前一直都話一個人旅行好悶我諗都會架,
不過今日, 我一個人既時間過得好開心,
沒有煩惱既跑街!!

柯sir, 我應該約你夜d!
見到office 既building lu

未夠鍾!!


轉入令一條街, 兩邊既鋪頭都關晒門,
有幾間開緊既都係賣地毯, 有好重印度既感覺行左兩步,
印度puffey!?!?!?!!?
哈哈, 好一個印度區!!

最後, 走上全程唯一重複既路, 番apartment既天橋.........






我今日好開心.........