番兜星office歡迎宴

話說強尼好, 譚蛇, 靴伯到星洲一遊順路做柯跌,
咁開心咁多人, 星office大佬大姐們話去食餐去好!!
放工出發去東岸海鮮食店區, 小紅樓進發!!

其實一黎到坐低,

"筒你地"話:"小朋友, 你坐果面, 咁就lee邊電+弱電, lee面冷氣"
我:"下, 食飯o者, 都要咁分架..."


就係咁我就坐左嚮星office既2個指向人(director)中間..."筒你地" & "愛撻連"


咁都叫坐低左啦..一見到個餐牌....好靚好靚!!
"筒你地"話佢點餸......................哦, ok啦, 咁我無得睇清楚下個餐牌...添...
之後佢地講左一大埋咩野食, 咩菜色

book guy喇, 我d英文真係咁差!?!
一d都唔知果d係咩菜..
唉, 都話細個要勤力d架啦...




嗌下嗌下, 都唔知佢地叫左咩,
嗌野飲我就當然係可樂丫唔該!!

咁多人一齊坐, 佢地就係唔鍾意小組討論, 硬係要打對家
d對話就好似洲際飛彈咁飛來飛去
仲要係中英波文大夾雜, 聽到耳都側....




忽然..................






有餸上枱喇, 我理鬼得你洲際飛彈丫, 愛美神都唔理住喇
車(我又嗌你喇~~), 花鵰醉蝦呀!!!

(p.s.話時話, 我地幾時又鵰鵰佢?)


唔好講笑, lee個蝦真係好得!!由其是d醉蝦湯!!!
掂掂掂掂掂
5個掂!!


之後上既係據聞"愛撻連"好lum既炒爆尢魚仔....

lee個就....其實我對薯片類既感覺既食物都唔係太好, 不過不失啦...

之後lee條都真係幾騎呢...

炸油炸鬼....

我都唔明, 油炸鬼不嬲都要炸架啦, 咁油炸鬼即係咩呀..

由於lee個機械故障, lee個spicy crab, chilli crab都影唔到, 唔緊要啦, 有我講你知!!

大大隻蟹鉗放入口, 一淡過, 真係好幸福架!!~~~(同攬實小丫既感覺有得比!!)

嘩, lee個緊要喇...全晚最好食既並唔係海鮮, 係佢!!!!

炸曼頭!!!

外層趣, 內裡軟淋淋, 又夠熱, 新鮮, 好好食!!!!!加埋chilli crab source...

AhhhhhhWOOOOOooooooooooooooooo~~~~~

PS

因為d野食實左有點辣, 一罐可樂放唔到幾多,

所以, 在眾目睽睽之下, 我拎起左仔可樂杯, 啤酒lee到丫唔該...

成場人, 加埋啤酒婆(remark, 不是妹, 一定, 一定)都呆晒

之後啤酒婆同我講.....excuse me?

頂....................................